وفاتت الليالى..

وفاتت الليالى..
ليلة ورا ليله!
لحد ما مقدرتش
على عد الليالى..
لا بيرجع الغالى!
ولا تنطوى ظلمة الليالى!
أبص من شباكى
لاجل ما يضحك
سنى الباكى برجعته
لكن تفوت الليالى
ولا يرجع الغالى
وأجرى على بنات الحور
لاجل ماتغنى
ويرجع القمر
بوجه البنور
لكن يغيب القمر
والنار فى القلب تئيد
مع غياب الزوج
و غياب الحبيب
ورضيت بضى الغايب
على سطح ترعه
مايتها ساقعة وراكده
والليل طويل فى بلدنا
وأتمنى يطلعله نهار
لحد ما طلع النهار
وشميت ريحه الجبايب
ورجع خبراللى الغايب
وياريته فضل غايب
وعشت أحلم بطلته عليا
لكن عاد الغايب
غرقان فى دمه
رجع الغايب
فى جثة شهيد
قالوا زغردى
يامراط الشهيد
قلت بعد ماراح الزوج
بعد ما قتلوا الجبيب
فيه زغاريد!
وحلفت باللى فى حشاى
ما أنام إلا وحق الشهيد جاى
****