هل الحجاب؛ حرية شخصية ؟



أيمن غالى
2017 / 8 / 17

الحجاب حرية شخصية ..
مين إللى بيتكلم ؟!!
هل الطفلة المحجبة؛ إللى أبوها لبسها حجاب غصب عنها و هى مش فاهمه حاجة؛ هى إللى بتتكلم ؟!!
هل طالبة أو تلميذة؛ المدرسة فرضت عليها عدم دخول المدرسة بدون حجاب؛ هى اللى بتتكلم ؟!!
هل شابة؛ شيخ أو داعية أرعبها إنها حا تروح فى داهية، و جهنم لو ما إتحجبتش؛ هى إللى بتتكلم ؟!!
هل زوجة؛ زوجها خيرها ما بين حجابها و طلاقها؛ هى اللى بتتكلم ؟!!
هل واحدة لابسة الحجاب علشان ما يقولوش عليها مسيحية؛ هى اللى بتتكلم ؟!!
هل واحدة محجبة خوف من المجتمع إللى فارض عليها الحجاب؛ هى اللى بتتكلم ؟!!
هل واحدة محجبة علشان التاكسيات تقف لها فى وقت الذروة عن غير المحجبة؛ هى اللى بتتكلم ؟!!
و كثير من التساؤلات ..
و أخيرا؛
هل الحجاب حرية شخصية ؟ .. عينى فى عينك كده