غنوا لايرينى -يابنت ياام المريلة كحلى

فتحت صفحاتى حتى ابدء حكايتها بعدودة كعادة اهل الصعيد
ولكن قفز الى ذهنى ان لا نندبها ليس لانها ليست اهلا
بل نزفها الى حضن الراحة وكل بطريقتة


مقتل ايرين رمزى 13 عام
خبر الجمنى -احسست بالعجز - بالمسؤلية ضمنا - وبدموع كثيرة كنت اود ان ابكيها وانا اورايها الثرى
كسائر المراهقات فى عمرها الوردى تطلعت الى شاب وكان احمد عمرة 22 عاما
لا اعرف تحديدا هل استسلمت لخدرات عشقها الطفولى ام اجبرت كراهية - ولكن اتت النهاية واحدة
لايرين شقيقة متزوجة جائت لتزور بيت الاسرة ويبدو ان هذة الاخت على درجة من الوعى لشئون البيت - فسالت ايرين لمازا قطعتك عادة النساء ؟
تعلثمت الفتاة وتغير وجهها ولكن لم تنطق فاخذتها الاخت الى طبيب نساء فى مدينة الاقصر كى يكون الامر بعيدا عن طبيب المركز
كان الطبيب شابا فاعلم الاخت بالحمل وعرض المساعدة فى هدوء شديد
رفضت الاخت واخذت شقيقتها وفى المنزل اجتمع الجميع لاجهاض ايرين
كسائر البيوت الصعيدية الفقيرة ظنو ان اجهاضها فى المنزل هو الستر
تدخل الاخ 23 عاما وماتت الطفلة على اثر ضرباتة القوية الموجهة لبطنها وظهرها
ايرين من قرية بجوار اسنا فتم نقل بقايا روحها وجسدها الى مستشفى اسنا وهناك فارقت الحياة وتم القبض على اخيها
اعتقد ان تلك الحادثة هى الابشع لى معنويا بعد حادث العديسات
الاب الكاهن فى اسنا علم الخبر منى واهتم واخذ يسال هل بالفعل هناك طفلة ماتت بمالستشفى ؟
تمت الصلاة عليها فى كنيسة المطاعنة ودفنت وانا اعلم مايدور لديهم من طقوس مقيتة
كنت عاوزة الحق الدفن بس مالحقتش لان محافظة قنا مساحتها الجغرافية واسعة جدا وبينى وبينها ساعتين
كاهن المطاعنة ماردش على ولكن ردت المدام وانا كنت عاوزاها تروح الجنازة كل يوم او تبعت خادمات علشان ماحدش يتكلم على البنت
لكن هى قالت انها مش مختلطة باهل البلد ولكن لما بيكون فى عزاء بتروح
قلت لها طيب ادينى موبيل ابونا - قالت ماعندوش
وبالفعل اتاكدت انة ماعندوش
على فكرة فى كهنة فى كنايس مستورين قوى وفى كهنة فقرا قوى
بجوار ايرين دير المحارب والفاخورى
كانت الكنيسة لازم تاخد البنت لاى واحد فيهم
كنا كلنا لازم نعمل حاجات كتير - لكن ماعملناش
ياترى احمد هيكون عقابة اية ؟
ومش عاوزة اخوها ياخد رافة لانها جريمة شرف
هو الشرف اية فى نظر الناس ؟ دخلة بلدى ومنديل ودم لواحدة عاملة عشرين عملية ؟
الشرف عمرة ماكان اجزاء ولا مناطق محرمة - الشرف قيمة لمن يفهمها
اعزرونى الموضوع بتاع ايرين خانقنى
احنا فين ؟
لية مابتعملوش للناس الغلابة دول مستوصف وتوعية وتنوير
الكنيسة فين ؟
ابونا كان فين ومراتة ؟
الخادمات فين ؟
لية ايرين ماكانتش واحدة من زمايل بنتى وانا كنت اتصرفت ؟
الجنازة حارة والميت غالى
والموت لاحمد واخيها